ОРАЛ. Қыркүйектің 9-ы. ҚазАқпарат /Ғайсағали Ералы/ - Польшаның Млава қаласында өткізілген дойбыдан жастар арасындағы әлем чемпионатында батысқазақстандық Алтынай Жұмагелдиева жеңімпаз атанды,
деп хабарлайды ҚазАқпарат тілшісі.
Әлемнің 16 елінен 114 спортшы қатысқан бәсекеде Қазақстан құрамасы сапында Батыс Қазақстан облыстық туризм, дене шынықтыру және спорт басқармасының қолдауымен оралдық үш дойбышы ел намысын қорғады.
Оралдағы №12 орта мектептің 7-сыныбында оқитын, №2 балалар мен жасөспірімдер спорт мектебінде жаттығатын Алтынай Жұмагелдиева осымен үшінші рет әлем чемпионы атанып отыр. Әлия Камалова мен Айна Қабдрахимова сәйкесінше бесінші және алтыншы орындарға табан тіреді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).