14:18, 05 Наурыз 2017

Батысқазақстандық дзюдошы Еуропа кубогы жарысында қола жүлдені жеңіп алды

ОРАЛ. ҚазАқпарат - Батысқазақстандық Ерлан Оңалов Түркияның Анталия қаласында жасөспірімдер арасында дзюдо күресінен Еуропа кубогы үшін өткен халықаралық жарыста қола жүлдені жеңіп алды, деп хабарлайды «ҚазАқпарат» ХАА тілшісі.

БҚО дене шынықтыру және спорт басқармасынан түскен мәліметке қарағанда, спортқа дарынды балаларға арналған мамандандырылған облыстық мектеп-интернатта оқитын Ерлан 50 кг салмақта үздіктер қатарынан көрінді.

Бұл Е.Оңаловтың бірінші жеңісі емес. Бұдан бір жыл бұрын Ақтөбе қаласында 1999-2000 жылғы жасөспірімдер арасында топ жарған Ерлан халықаралық додалардан да жүлделі оралып жүр. Мысалы, өткен жылғы қыркүйекте Саратовта жасөспірімдер арасында өткен қаланың ашық кубогы үшін өткен жарыста Нариман Бекқалиев жаттықтыратын Е.Оңалов жеңімпаз атанған болатын.

Батыс Қазақстан облысы Спорт
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).