ОРАЛ. 13 желтоқсан. ҚазАқпарат - Батысқазақстандық балуан Темірлан Көлбай Хайко (Хайнань, Қытай) қаласында жастар арасында дзюдодан өткен Азия чемпионатында қола жүлдегер атанды.
Облыстық дене шынықтыру және спорт басқармасынан түскен мәліметке қарағанда, М.Өтемісов атындағы Батыс Қазақстан мемлекеттік университетінің студенті Т.Көлбай 90 келі салмақта күресті. Оның бапкері - Қасым Қаженов.
Темірлан - жас та болса, талай додада жүлде алып жүрген балуан.
Биыл батысқазақстандық Азамат Мұқанов ересектер арасында әлем біріншілігінің күміс жүлдесін жеңіп алған болатын.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).