18:43, 20 Шілде 2017

Батысқазақстандық ескекшілер ел чемпионатында табысты өнер көрсетті

ОРАЛ. ҚазАқпарат - Теміртау қаласында академиялық есуден өткен ҚР жеке-командалық чемпионатында БҚО құрамасы табысты өнер көрсетті, деп хабарлайды «ҚазАқпарат» тілшісі.

Академиялық есуден БҚО құрамасының аға бапкері Эдуард Лапшиннің айтуынша, батысқазақстандық спортшылар барлығы 3 алтын, 3 күміс, 5 қола медальға ие болды. Атап айтқанда, жекелей сында Григорий Феклистов үшінші, Евгений Тацей бірінші, Даниил Савченко екінші орынды еншіледі. Жұптық сында Г.Феклистов екінші, Е.Тацей мен Григорий Савченко бірінші, Элеонора Калитова мен Виктория Стармоусова үшінші орынға көтерілді. 4 кісілік рульсіз қайықта Г.Феклистов үшінші, Д.Савченко бірінші, Э.Калитова мен В.Стармоусова екінші, Артем Бекмачев үшінші орынды иеленді. 4 кісілік рульсіз қайықта Максим Калитов, Иван Чернухин, Мирас Мәженов, Иван Матвиенко қола жүлдені олжалады.

Батыс Қазақстан облысы Спорт

Ғайсағали Сейтақ

1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).