ОРАЛ. 16 қыркүйек. ҚазАқпарат /Елжан Ералы/ - Алматыдағы орталық стадионда жеңіл атлетикадан жастар арасындағы ел чемпионаты мәреге жеткен болатын.
Осы жарыс барысында ел кубогы да сарапқа салынды. Еліміздің барлық өңірінен 200-ге жуық спортшы бақ сынаған біріншілік нәтижесінде найза лақтырудан оралдық екі спортшы жүлдеге ілікті.
Спорттың осы түрінен Гүлзада Хабиева күмістен алқа тақса, ел біріншілігінің бірнеше дүркін жүлдегері Артем Пристаж бұл жолы қоланы қанағат тұтты.
Қос жүлдегер де - Оралдағы №1 балалар мен жасөспірімдер спорт мектебінің түлегі. Қазақстанның ІІІ жазғы спартакиадасының чемпионы Г.Хабиева биыл Алматыдағы спорт академиясына оқуға түссе, Қазақстан чемпионатының бірнеше дүркін жүлдегері А.Пристаж өзіміздің БҚМУ-дың дене тәрбиесі факультетінің студенті атанды.
Таяу жылдары халықаралық байрақты бәсекелерде олжа салады деп жүрген қос спортшыны Сергей Скакунов пен Иван Мироненко жаттықтырады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).