ОРАЛ. Қыркүйектің 4-і. ҚазАқпарат /Ғайсағали Ералы/ - Батыс Қазақстан облыстық суда құтқару қызметінің құтқарушылары Азамат Сәбитов пен Олег Никифоров Шалқар көліне демалуға келген екі қызды ажалдан құтқарып қалды,
деп хабарлайды ҚазАқпарат тілшісі.
Жиырма жасар Лунара мен он жастағы Динара көлде үрмелі төсеніш үстінде қаннен-қаперсіз күнге қыздырынып жатқан. Кенет қатты дауыл тұрып, оларды жағалаудан 500 метрдей қашықтыққа айдап әкеткен. Осы сәтте, абырой болғанда, моторлы қайықпен құтқарушылар жетіп үлгерген. Ата-аналарының айтуынша, бұл жағдайда қыздардың аман қалуы екіталай, өйткені олар жүзу білмейтін еді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).