21:22, 17 Мамыр 2017

Батысқазақстандық оқушылар республикалық олимпиададан олжалы оралды

ОРАЛ. ҚазАқпарат - Дарынды балаларға арналған №11 облыстық қазақ мектеп-интернаты кешенінің шәкірттері Қазақстан тарихы пәні бойынша Бурабайда өткен республикалық ХІІ «Тарих ата» олимпиадасынан олжалы оралды, деп хабарлайды «ҚазАқпарат» тілшісі.

Аталмыш мектептен түскен мәліметке қарағанда, «Дарын» республикалық ғылыми-практикалық орталығы ұйымдастырған пәндік олимпиаданың онлайн режимінде өткен бастапқы іріктеу кезеңіне еліміз бойынша барлығы 1239 оқушы қатысқан болатын. Солардың ішінен жүзден жүйрік, мыңнан тұлпар атанып, үздік шыққан 148-і республикалық «Балдәурен» лагеріне шақыртылды. Солардың қатарында тоқсан жылдан астам тарихы бар байырғы мектептің 7-сынып оқушылары Орынбай Мұқтар, Елжас Мұқамбетжанов, Әли Ризуановтар (ұстаздары, тарих пәнінің мұғалімі Асқар Әлмұқанов) бақ сынады. Сөйтіп, негізгі кезең қорытындысы бойынша О.Мұқтар мен Е.Мұқамбетжанов екінші, Ә.Ризуанов үшінші орынға ие болды. 

Батыс Қазақстан облысы Білім Білім және ғылым
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).