18:23, 26 Қыркүйек 2013

Батысқазақстандық парашютшілер Ресейде өткен жарыстан күміс медальмен оралды

ОРАЛ. 26 қыркүйек. ҚазАқпарат - Батысқазақстандық парашютшілер Ресейдің Мензелинск қаласында парашюттік-атлетикалық көпсайыстан өткен жарыстан жалпыкомандалық есепте күміс медальмен оралды.

Аталмыш халықаралық жарысқа Ресей, Қазақстан, Австрия, Украина елдерінен алты команда қатысқан. Олар топтық парашютпен дәлме-дәл секіруден, еркін әдіспен жүзуден, 1500 және 3000 метрге жүгіруден сайысқа түсті. Топтық секіруден Илья Никитин, Михаил Землянушин, Евгений Кутафин екінші орынды иеленді. Жеке есепте парашютпен дәл секіруден Александра Ларина алтын медальға қол жеткізсе, кростан (1500 метр) Дарья Москалева үшінші жүлдені еншіледі. Сөйтіп жалпыкомандалық есепте батысқазақстандықтар екінші орынға көтерілді.
Батыс Қазақстан облысы Спорт
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).