Батысқазақстандық сақшылар 20 келі уылдырық тәркіледі
20:28, 31 Қазан 2016
ОРАЛ. ҚазАқпарат - БҚО ІІД жергілікті полиция қызметінің қызметкерлері 29 қазан күні шамамен сағат 18.00-де рейд шаралары кезінде Самара-Шымкент жолының 205-шақырымында 1970 жылғы С. деген азамат айдап келе жатқан «Опель Омега Караван» автокөлігін тоқтатты.
БҚО ІІД баспасөз қызметінен түскен мәліметке қарағанда, автокөліктің салонын тексеру барысында ешқандай құжаты жоқ, арнайы контейнер ыдысқа нығыздалып салынған 20 кг уылдырық табылып, тәркіленді.
Аталған дерек ҚР ҚК 339-бабына (сирек кездесетін және құрып кету қаупі төнген өсімдіктер немесе жануарлармен, олардың бөліктерімен немесе дериваттарымен заңсыз айналысу) сәйкес сотқа дейінгі тергеп-тексерудің бірыңғай тізіліміне тіркелді.
Қазіргі уақытта тергеу амалдары жүргізілуде.