ОРАЛ. ҚазАқпарат - Ұлттық спорт түрлерінен Шымкент қаласында жасөспірімдер арасында өтіп жатқан ел чемпионатында БҚО құрамасы сәтті өнер көрсетуде, деп хабарлайды «ҚазАқпарат» тілшісі.
БҚО ұлттық спорт мектебінің директоры Дастан Мырзағалиевтің айтуынша, Нармағанбет Иманғазыұлы аударыспақтан 70 кг салмақта жеңімпаз атанды. Нармағанбет осымен бесінші рет ел чемпионы атағын жеңіп алып отыр. Сондай-ақ 40 кг салмақта тағы бір батысқазақстандық Бекзат Сәлімов үшінші орынға көтерілді. Оған қоса теңге ілуден Төрехан Бақытжанов қола жүлдеге ие болды.
Спортшыларды Ақтілек Сәрсенов жаттықтырады.
Айта кетейік, ел чемпионаты 27 қазанда мәреге жетпек.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).