ОРАЛ. ҚазАқпарат - Батысқазақстандық Әліби Теміртасов Талдықорған қаласында жекпе-жек ұлттық спортынан жастар мен ересектер арасында өткен ашық Азия чемпионатынан олжалы оралды, деп хабарлайды «ҚазАқпарат» тілшісі.
БҚО ұлттық спорт мектебінің директоры Дастан Мырзағалиевтің айтуынша, аталмыш жарысқа жеті елдің спортшылары қатысып, бақ сынады. Әліби ересектер арасында 57 кг салмақта қола жүлдегер атанды.
Ә.Теміртасов БҚО ұлттық спорт мектебінің жекпе-жек бөлімінде жаттығады.
Айта кетейік, аталмыш мектеп спортшылары бұдан бұрын да ұлттық спорт түрлерінен, жекпе-жектен өткен жарыстардан жүлделі оралып жүр.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).