ОРАЛ. ҚазАқпарат - Ақтау қаласында кекушинкай каратэден 10 жастан жоғарылар және ересектер арасында мәреге жеткен ХХ ел чемпионатында батысқазақстандық спортшылар табысты өнер көрсетті, деп хабарлайды «ҚазАқпарат» ХАА тілшісі.
Аталмыш жарысқа Қазақстан облыстары мен Астана, Алматы қалаларынан 550 спортшы қатысып, бақ сынады.
Жарыс қорытындысында БҚО-дан барған 19 жасар сенпай Шайнұр Садықов жеңімпаз атанды. Енді Солонго Исхан жаттықтыратын Шайнұр Қазақстан құрамасы сапында Румынияда өтетін Еуропа чемпионатына, биылғы қараша айында Индонезияда болатын әлем кубогы жарысына дайындалады.
Ел біріншілігінде сондай-ақ батысқазақстандықтар, 11 жасар Әлихан Құбаев, 12 жасар Данил Обухов үшінші орынды иеленді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).