АЛ. 14 қараша. ҚазАқпарат /Елжан Ералы/ - М.Өтемісұлы атындағы Батыс Қазақстан мемлекеттік университетінің студенті Мейрамгүл Сралиева Алматы қаласында өткен студенттік БАҚ өкілдерінің форумынан табысты оралды.
Батысқазақстандық студент «Қазақ тіліндегі үздік репортаж» аталымы бойынша үздік атанып, арнайы дипломға ие болды. Биыл екінші рет өткізілген студенттік БАҚ форумына еліміздің 18 ЖОО-сынан өкілдер қатысқан. Оралда М.Өтемісұлы атындағы БҚМУ мен Еуразия академиясының студенттері қатысып қайтты. «Форум біз үшін пайдалы болды. Танымал журналистерден тәлім алып, әріптестерімізбен пікірлестік», дейді Мейрамгүл.
М.Сралиева - бірнеше жылдан бері БАҚ беттерінде мақала, суреттемелерімен көрініп келе жатқан жастың бірі.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).