ОРАЛ. ҚазАқпарат - БҚО құрамасы Қызылорда қаласында ҚР ІV жазғы спорт ойындары аясында тоғыызқұмалақтан мәреге жеткен жарыста табысты өнер көрсетті, хабарлайды «ҚазАқпарат» ХАА тілшісі.
БҚО дене шынықтыру және спорт басқармасынан түскен мәліметке қарағанда, жекелей есепте Жарасхан Сағынбаев чемпион атанды. Ал командалық есепте Дәулет Әбдікәрімов жаттықтыратын БҚО құрамасы үшінші орынға көтерілді. Астана мен Алматы қалаларынан және еліміз облыстарынан барлығы 15 команда қатысқан сайыста ОҚО құрамасы бірінші, павлодарлықтар екінші орынға ие болды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).