ОРАЛ. 20 желтоқсан. ҚазАқпарат - Орал қаласындағы №2 балалар-жасөспірімдер спорт мектебінің тоғызқұмалақшысы Гүлназ Оразмұханбет Ақтөбе қаласында Тәуелсіздік мерекесі құрметіне өткен республикалық турнирден жеңіспен оралды.
Аталмыш мектептен түскен мәліметке қарағанда, Гүлназ бірінші орынды иеленді.
Жалпы, 2013 жыл №2 БЖСМ үшін құтты жыл болып отыр. Айнұр Байзекенова тоғызқұмалақтан халықаралық дәрежедегі спорт шебері атанса, оның бапкері Дәулет Әбдікәрімовке жоғары санатты оқытушы-жаттықтырушы атағы берілді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).