ОРАЛ. ҚазАқпарат - Кеше Ақсай қаласының тұрғыны автокөлік ұтып алды, деп хабарлайды «ҚазАқпарат» тілшісі.
«Бәйтерек» дүкендер желісі өз тұтынушылары арасында ұтыс ойынын өткізіп, 9 мың лотерея билеті қатыстырылған.
Бас жүлде "Ravon Nexia" автокөлігін «ҚазТрансГазАймақ» АҚ Бөрлі учаскесінің слесары Мұрат Әйтиевтің еншісіне тиді. Өзінің айтуынша, автокөлігі бұрыннан бар екен. Енді ескісін сатып жіберіп, су жаңа көлікке отырмақшы.
Айта кетейік, «Бәйтерек» дүкендер желісі мұндай шараларды мейрамдарға орайластырып өткізіп келеді. Келесі ұтыс 9 мамыр күні ойнатылып, онда Түркияға 13 жолдама тігілмекші.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).