ОРАЛ. 21 қазан. ҚазАқпарат /Елжан Ералы/ - Құрманғазы атындағы Орал музыка колледжі директорының оқу ісі жөніндегі орынбасары, домбырашы Нұржан Сертековке «ҚР білім беру ісінің құрметті қызметкері» атағы берілді.
Нұржан Сертеков ұстаздық етумен бірге көп жылдар бойы күй өнерін насихаттап келеді. Оның Батыс Қазақстан өңірінің музыкалық фольклоры туралы жинақтары да жарық көрген.
Домбырашы баптаған шәкірттер республикалық, халықаралық байқауларда бәйге алып жүр.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).