ОРАЛ. ҚазАқпарат - БҚО құрамасы Маңғыстау облысының Қарақия ауданында «Қызыл Жұлдыз» орденінің иегері, жауынгер-интернационалист С.Әлиевті еске алуға арналған 2001-2002 жылғы жасөспірімдер арасында қазақ күресінен өткен республикалық турнирде жалпыкомандалық есепте бірінші орынды иеленді.
БҚО дене шынықтыру және спорт басқармасынан түскен мәліметке қарағанда, аталған жарысқа Атырау, Маңғыстау, Жамбыл және басқа облыстардан командалар қатысты. Батысқазақстандықтардан 38 келі салмақта Ерік Есенаман чемпион атанса, Ерқанат Жасұланов күміс жүлдені еншіледі. Сондай-ақ, 42 келіде Дамир Қайырлиев екінші, 60 келіде Арманбек Дәулет екінші, 66 келіде Адалбек Меңдібай бірінші орынға ие болды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).