ОРАЛ. 25 қараша. ҚазАқпарат /Елжан Ералы/ - Биылғы 17 қарашада Оралдағы Құрманғазы көшесі бойындағы «Орал» дүкені маңынан белгісіз біреулер «Газель» автокөлігін айдап кеткен.
БҚО жол полициясы басқармасының баспасөз қызметінен хабарлағанындай, жедел іздестіру шаралары барысында аталмыш автокөлік екі күн өткен соң Оразбаева көшесіндегі 2/4 үйдің ауласынан табылды. Көп ұзамай күдікті де қолға түсті. Ол Зеленов ауданы Володар ауылының 1994 жылғы К. деген тұрғыны болып шықты. Жол полициясы басқармасы бастығының орынбасары, полиция подполковнигі Сәкен Қайролдиннің айтуынша, К. осындай қылмысы үшін түзету орнынан 27 қыркүйек күні босаған.
Биылғы он айда автокөлік құралдары 59 рет айдап кетілген, соның тек үшеуі ғана ашылмай отыр. Ашылу көрсеткіші 91,7 пайызды құрайды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).