ОРАЛ. ҚазАқпарат - БҚО құрамасы Ақтөбе қаласында жастар арасында ұлттық спорт түрлерінен өткен ел чемпионатынан олжалы оралды, деп хабарлайды ҚазАқпарат.
БҚО дене шынықтыру және спорт басқармасынан түскен мәліметке қарағанда, аударыспақтан Нармағанбет Иманғазыұлы 60 келі салмақта жеңімпаз атанса, Мағжан Жеңісов (70 келі) екінші, Рахметолла Темірбеков (50 келі) пен Әнуарбек Қалиев (80 келі) үшінші орынды иеленді.
Сонымен қатар Айболат Базарбаев жамбы атудан алдына жан салмай, жеңіс тұғырына көтерілді.
Ұлттық спорт түрлерінен БҚО құрамасының аға жаттықтырушысы Ақтілек Сәрсенов екендігін айта кетейік.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).