«Бауырсақ party»: Қонаевта 2 тонна бауырсақ пісірілді
ҚОНАЕВ. KAZINFORM - Қонаев қаласында Әз-Наурыз мерекесі кең көлемде тойланып жатыр. Кеше қала жұртшылығы «Көрісу күнін» атап өтсе, бүгін ұлттық тағамды насихаттау мақсатында «Бауырсақ party» ұйымдастырылды.
Фото: Алматы облысы әкімдігі
Алматы облысы әкімдігінің мәліметінше, аталған шара қалалық кітапханада өтті. Бұдан бөлек, Шеңгелді және Арна ауылдарында ұйымдастырылды. Кәсіпкерлер де қалыспай, дәмханаларда келушілерге ұлттық тағамды ұсынды. Жалпы 2000 келі бауырсақ пісірілді.
Фото: Алматы облысы әкімдігі
Арна ауылында өткен «Бауырсақ party» көрісу рәсіміне ұласты. Қазақы мәдениеттен сыр шертетін рәсімге ауыл халқы қуана қатысып, белсенділік танытты. Жұрт бауырсақ жеп, наурыз көжеден де ауыз тиді. Той өнерпаздардың ән-жыр, би шашуына жалғасты.
Фото: Алматы облысы әкімдігіФото: Алматы облысы әкімдігі
Алма Мұқанова Т. Жүргенов атындағы өнер академиясының «Кино және Телевизия» факультетінің түлегі. Журналистика саласында 20 жылдан бері еңбек етіп келеді. Аймақтық, республикалық телеарналарда түрлі қызметтер атқарған. 2019 жылдан бері - ҚазАқпарат агенттігінің тілшісі. ҚР Журналистер одағының мүшесі.