Байден 2025 жылдың қаңтарын адам саудасының алдын алу айы деп жариялады

АСТАНА. KAZINFORM — АҚШ президенті адам саудасын «ұжымдық ар-ұжданымызға дақ» деп атады, деп хабарлайды «Америка дауысы».

Джо Байден америкалықтарды 27 миллионнан астам адамға әсер ететін жаһандық дағдарысқа қарсы тұруға шақырды.

— Адам саудасы — біздің ұжымдық ар-ожданымызға таңба және адамның негізгі қадір-қасиетін қорлау, — деді Байден дүйсенбіде жарияланған мәлімдемесінде.

Президент адам саудасына қарсы күрес жөніндегі жаңартылған Ұлттық іс-қимыл жоспарына қол қойған 2021 жылдан бері өз әкімшілігінің осы саладағы күш-жігерін атап өтті. Жоспар қылмыскерлерді қудалауға, құрбандарды қорғауға және халықаралық серіктестікті дамытуға бағытталған.

— Ұлттық іс-қимыл жоспары адам саудагерлерінің қоғамдағы ең осал топтарға — нәсілдік және этникалық азшылықтарға, әйелдер мен қыздарға бағытталғанын мойындайды, — деді Байден.

Ол 2022 жылы әйелдерге қатысты зорлық-зомбылық туралы заңның кеңеюін қоса алғанда, елдегі негізгі жетістіктерге тоқталды. Заң жергілікті тайпалық соттарға сексуалды сауда жасады деп айыпталғандарға қатысты юрисдикция берді.

Бұған дейін Джо Байден америкалықтарды соңғы рет Рождество мерекесімен құттықтады.