АЛМАТЫ. ҚазАқпарат – Қазақстанға халықаралық байқаушы ретінде келген Астрахань облысының (РФ) Губернатор әкімшілігінің ішкі саясат басқармасы басшысының бірінші орынбасары Андрей Сызранов өз бағасын берді, деп хабарлайды ҚазАқпарат тілшісі.
Сарапшы сайлау науқаны барысында Алматы қаласының жетіден астам учаскесінде болғанын айтты.
«Мен ешқандай заң бұзушылықтар байқамадым. Халықтың ықыласы жақсы болды. Байқаушылар артық қимылсыз өз жұмыстарын кәсіби түрде орындады», - деді спикер.
Сондай-ақ ол екі елдің де сайлау барысы ұқсас екенін тілге тиек етті.
Айта кетейік, бүгін Қазақстанда Мәжіліс пен жергілікті мәслихаттар депутаттарын сайлауы өтті.
Алма Мұқанова
Алма Мұқанова Т. Жүргенов атындағы өнер академиясының «Кино және Телевизия» факультетінің түлегі. Журналистика саласында 20 жылдан бері еңбек етіп келеді. Аймақтық, республикалық телеарналарда түрлі қызметтер атқарған. 2019 жылдан бері - ҚазАқпарат агенттігінің тілшісі. ҚР Журналистер одағының мүшесі.