Ішкі істер министрінің жарлығымен Ұлттық ұланның «Батыс» өңірлік қолбасшылығының қолбасшысы лауазымына полковник Бекайдар Қазкеев тағайындалды, деп хабарлайды Kazinform.
«Батыс» өңірлік қолбасшылығының баспасөз қызметінен мәлім еткендей, жаңадан тағайындалған қолбасшыны жеке құрамға онлайн режимде Ішкі істер министрінің орынбасары – Ұлттық ұланның бас қолбасшысы, генерал-лейтенант Еркін Ботақанов таныстырған.
Бекайдар Қазкеев аталмыш лауазымға тағайындалғанға дейін «Оңтүстік» өңірлік қолбасшылығы қолбасшысының бірінші орынбасары-штаб бастығы қызметін атқарды.
Еркін Ботақанов полковник Бекайдар Маратұлының қызметіне сәттілік пен табыс тіледі.
Осыған дейін «Батыс» өңірлік қолбасшылығының қолбасшысы қызметін атқарған генерал-майор Арман Мақсотұлы Жұмағалиев Ұлттық ұланның «Шығыс» өңірлік қолбасшысы лауазымына тағайындалды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).