- Өткен жылыту маусымында Екібастұздағы бірінші және екінші ГРЭС-те жоспардан тыс жағдайлар мен жөндеу жұмыстарының артқаны байқалды. Ол генерация көздері бойынша қандай жұмыстар атқарып жатырсыздар?, - деп сұрады Премьер-министр компания басшысынан.
Сауалға жауап берген Қайрат Мақсұтовтың айтуынша, «Самұрық-Энерго» стансалары осыдан 30-40 жыл бұрын іске қосылған.
- Сондықтан негізгі жабдықтары ұзақ мерзімнен бері пайдаланылып келеді. Оның ішінде тозу мәселесі бар. Бірақ, соған қарамастан жөндеу жұмыстарын толық қаржыландыру мәселесін шешіп жатырмыз. Жөндеу жұмыстарының көлемін жылдан-жылға арттырып отырмыз. Әсіресе, жөндеу жұмыстарының сапалы болуына баса назар аударудамыз. Атқарылып жатқан жұмыстар нәтижесін беруі керек. Жоспардан тыс тоқтауды азайтамыз, - деді ол.
Осы орайда Үкімет басшысы Екібастұздағы бірінші және екінші ГРЭС ең маңызды генерация көздері екендігін баса айтты.
- Сондықтан ешқандай олқылықтар, кемшіліктер болмасын. Бақылауда ұстаңыз, - деп ескертті Олжас Бектенов.
Сонымен қатар Олжас Бектенов оған Алматыдағы ЖЭО-3 құрылысын уақытылы аяқтауды тапсырды.