ОРАЛ. ҚазАқпарат - Батысқазақстандық каратэшілер Беларусь елінде каратэден (WKF) өткен ХХІІ халықаралық турнирде табысты өнер көрсетті.
БҚО дене шынықтыру және спорт басқармасынан түскен мәліметке қарағанда, аталмыш жарысқа Украина, Ресей, Эстония, Беларусь, Латвия, Иран, Македония, Грузия және Қазақстан елдерінен 700-дей спортшы қатысып, бақ сынады.
Батысқазақстан Дархан Темірәлиев кадеттер арасында 55 келіде топ жарса, Әлихан Сартаев жасөспірімдер арасында 52 келіде чемпион атанды. Сондай-ақ Әлихан Ақжолов пен Сара Ахметжан халықаралық турнирдің қола жүлдесін иеленді. Жас каратэшілерді Ринат Мерғалиев жаттықтырады.
Айта кетейік, каратэ 2020 жылы Токиода өтетін жазғы олимпиада ойындарының бағдарламасына енгізілген болатын. Сондықтан спорттың осы түрінен де ел намысын қорғай алатын саңлақтарды дайындаудың маңызы зор.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).