НҰР-СҰЛТАН. ҚазАқпарат – Бүгін ҚР Орталық сайлау комиссиясының отырысында 2020 жылғы 9 тамыздағы Беларусь Республикасы Президентінің сайлауына Қазақстан Республикасынан жіберілетін байқаушылардың тізімін бекіту тақырыбы қаралды, деп хабарлайды ҚазАқпарат тілшісі.
«Жалпы, тізім бойынша бес байқаушының кандидатурасы ұсынылған. Олар сайлауды байқауда ТМД миссиясы құрамында қатысады. Оның ішінде ҚР Президенті Әкімшілігінен бір адам, ҚР ОСК-дан бір адам, Қазақстанның Беларусь Республикасындағы Елшілігінен үш байқаушы болады», - деді ҚР Орталық сайлау комиссиясы мүшесі Анастасия Щегорцова.
Орталық сайлау комиссиясының қаулысымен Қазақстан Республикасынан 5 байқаушының кандидатурасы бекітілді, олар биылғы 9 тамызда Белоруссиядағы сайлауды байқауға қатысады.
Руслан Ғаббасов
Ақмола облысының Біржан сал ауданында дүниеге келген. Л.Н. Гумилев атындағы Еуразия ұлттық университетінің журналистика факультетін бітірген. 2005 жылдан бері «ҚазАқпарат» халықаралық ақпарат агенттігінде жұмыс істеп келеді.