Беларусь Республикасының жоғары оқу орындарында білім алуға құжат қабылдау басталады

АСТАНА. KAZINFORM — «Халықаралық бағдарламалар орталығы» АҚ Қазақстан Республикасы Білім және ғылым министрлігі мен Беларусь Республикасы Білім министрлігі арасындағы Келісім аясында Беларусь Республикасының жоғары оқу орындарында білім алуға құжат қабылдау басталғанын хабарлайды.

Фото: Kazinform

2026–2027 оқу жылына Қазақстан Республикасының азаматтарына «Бакалавриат» білім беру бағдарламасы бойынша «Өнер және гуманитарлық ғылымдар», «Әлеуметтік ғылымдар, журналистика және ақпарат», «Бизнес, басқару және құқық», «Жаратылыстану ғылымдары, математика және статистика», «Ақпараттық-коммуникациялық технологиялар», «Инженерлік, өңдеу және құрылыс салалары» білім беру бағыттары бойынша 1 грант бөлінді.

Құжаттарды 2026 жылғы 15 мамырдан бастап 2026 жылғы 22 мамырды қоса алғанда «Электрондық үкімет» порталы арқылы немесе «Халықаралық бағдарламалар орталығы» АҚ-да қолма-қол тапсыруға болады.

Айта кетелік Вьетнамда білім алу үшін 3 білім гранты бөлінгені туралы жазған едік