Беларусьтағы жарылыс, зардап шеккендер бар

АСТАНА. ҚазАқпарат - Беларусьтағы Минск ауданының Королев Стан елді мекеніндегі НПО "Алкид" әкімшілік-өндірістік ғимаратында жарылыс болды, деп хабарлайды ҚазАқпарат  БЕЛТА-ға сілтеме жасап.

ТЖМ Минск облыстық басқармасының ресми өкілі Анастасия Швайбовичтің айтуынша, Королев Стан елді мекенінің ғимаратындағы жарылыс туралы хабар жергілікті уақытпен  8.55-те түскен. Арнайы техника жіберіліп, апат орнында құтқарушылар жұмыс жасап жатыр, - деп  мәлім етті Анастасия Швайбович.

9.18-де өрт сөндірілді. Анықталған мәлімет бойынша, жарақаттанған үш адам ауруханаға жеткізілген. Жедел әрекет ету қызметі оқиға орнында  жұмыстар жүргізуде.