НҰР-СҰЛТАН. ҚазАқпарат - Белгілі күйші, Іле, Алтай, Тарбағатай күйшілік мектебінің белді өкілі, Шығыстың шертпе-төкпе күйлерін жалғастырушы, күй зерттеушісі Мұқаш Таңғытұлы 2022 жылы 12 тамыз күні науқас себебінен Алматыда қайтыс болды, деп хабарлайды ҚазАқпарат тілшісі.
Белгілі күйші Мұқаш Таңғытұлы 1962 жылы 15 желтоқсанда ҚХР-дың Шынжаң өлкесі, Тарбағатай аймағында дүниеге келген. 2003 жылы атамекенге қоныс аударған.
Тәуелсіз Қазақ еліне келгеннен бері Шығыстың шертпе-төкпе күйлерінің халық қазынасына қосылуына көп еңбек сіңірді. Аталған күйшілік мектеп туралы бірнеше зерттеу кітабының авторы, «Халық күйшісі» төсбелгісінің иегері, Халықаралық күйшілер одағының мүшесі, «Шығыс шертпесі» ансамбльінің негізін қалаушы.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан