Бельгияда бала қатерлі ісіктің айықпас түрін жеңді

Бельгиялық 12 жастағы Лукас қатерлі ісіктің жазылмайтын түрін жеңген әлемдегі алғашқы бала, ол қазір ремиссия кезеңінде, деп хабарлайды ҚазАқпарат бұл туралы Le Figaro арнасына сілтеме жасап.

Бұл балалық шақтағы қатерлі ісіктің өте агрессивті түрін – ми бағанының инфильтрациялық глиомасын жеңе алған әлемдегі бірінші жағдай.

Лукас Валь-де-Марндағы Гюстав Русси институтында бақыланып, BIOMEDE деп аталатын клиникалық сынаққа алынды. Бұл жағдайда науқастарды емдеу диагноз кезінде алынған биопсия негізінде жүзеге асырылатын ісіктердің ДНҚ секвенциясына сәйкес тағайындалады.

Лукастың ағзасы аурумен бірте-бірте күресті. Бес жылдық бақылаудан кейін дәрігерлер емдеуді тоқтату туралы шешім қабылдады. Нәтижесінде бала бір жылдан бері ем қабылдамай-ақ өмір сүріп жатыр және өзін жақсы сезінеді.

Гюстав Русси институтының мәліметі бойынша, жыл сайын 50-ге жуық бала ми бағанының инфильтрациялық глиомасынан зардап шегеді. Бұл ми ісігі өте агрессивті және онымен ауыратын науқастардың болашағы өте нашар болжанады.