Белоруссиядан Су-27 ұшақтары жеткізілді - ҚР ҚМ

None
АСТАНА. 27 желтоқсан. ҚазАқпарат - Жетіген авиациялық базасында Беларусь Республикасының Барановичи қаласынан Қазақстанның Әскери-әуе күштері үшін жеткізілген Су-27 ұшақтарын қабылдау рәсімі болды. Бұл туралы ҚР Қорғаныс министрлігінің баспасөз қызметінен хабарлады.

Іс-шараға Әуе қорғанысы күштерінің бас қолбасшысы авиация генерал-майоры Нұрлан Орманбетов қатысты.

Атап айтқанда, Қазақстанның Әскери-әуе күштері шапшаңдығы дыбыс жылдамығынан жоғары ұшатын күрделі жөндеуден өткен «Су» тобының 4 жойғыш ұшағын қабылдап алды. Ұшақтар Алматы облысындағы Жетіген әуеайлағына келіп жетті. Су-27 - Қазақстан армиясының сапындағы негізгі көп функциялы ұшақ.

Әскери-әуе күштеріне күрделі жөндеуден кейін жеткізілген Су-27 ұшақтары Отанымыздың әуе кеңістігін сенімді қорғауға мүмкіндік береді.