«Енді белсенді жастар мен волонтерлерге арналған «Jastar Jalyny camp» лагері ұйымдастырылады. Лагерь аясында жастар 3 күн бойы шеберлік сабақтарына, тақырыптық кештерге қатысады, тимбилдингтер, open air өткізіледі», - деді ол Астана қаласының коммуникациялар қызметі алаңында өткен брифинг барысында.
Оның атап өтуінше, елордада балалар мен жасөспірімдерге арналған 26 аула клубы жұмыс істейді.
«Қала бойынша шамамен 3000-нан аса жас тәрбиеленеді. Үйірмелер мен секциялар саны - 124. Оның ішінде 68 спорт секциясы, 56 шығармашылық үйірме бар: түрлі би үйірмелері, сурет салу, қолөнер, вокал және тағы басқалары. Студент жастар арасында жыл сайын «Жастар жалыны» шығармашылық фестивалі өткізіледі. Биыл бұл жоба оқу жылы басталған соң, шамамен қазан-қараша айларында болады деп күтілуде», - деді Қайрат Қамбаров.