Конституциялық заңда «Президенттікке кандидаттарды ұсыну сайлау жария етілген күннен кейінгі күннен басталып, сайлауға екі ай қалғанда жергілікті уақыт бойынша сағат 18-00-де аяқталатыны» атап өтілген.
«Шынымен де, баспасөз беттерінен байқап қалдық. Бұл арандатушылық па немесе заңды жете білмеу ме - түсіне алмай отырмын. Заңның кезекті сайлауға қатысты бабына пікір білдірілген. Сол үшін бүгін арнайы айтып отырмын - кезектен тыс сайлау болған кезде күнтізбелік мерзімді Орталық сайлау комиссиясы бекітеді», - деді Берік Имашев ОСК отырысынан кейінгі баспасөз мәслихатында.
Бұған дейін ҚР Орталық сайлау комиссиясы төрағасының орынбасары Константин Петров ағымдағы жылдың 9 маусымында өтетін кезектен тыс президент сайлауына кандидаттарды ұсыну 28 сәуірде аяқталатынын мәлім еткен болатын.