«Қазіргі уақытта еліміздің азаматтық қоғамдық секторы электоральдық науқандар кезеңінде сарапшылық-құқықтық және ақпараттық-насихаттық қолдауда аз көрінеді. Сондай-ақ шет мемлекеттердегі сайлауда халықаралық байқаушылар ретінде үкіметтік емес ұйымдардың мықты әлеуеті толықтай пайдаланылмайды», - деп атап өтті Б. Имашев ҚР Орталық сайлау комиссиясы мен Қоғамдық даму министрлігінің бірлескен отырысында.
Оның сөзіне қарағанда, 2017-2018 жылдары өткен сайлауларды байқау бойынша ТМД миссияларында 212 қазақстандық байқаушы болған. Екі сайлау науқанында (Ресейде және Әзербайжанда) саяси партиялардан небәрі 15 (7%) байқаушы тіркелді. Бұл тұрғыда «Нұр Отан» партиясының мүшелері 13 болса, Қазақстанның «Ақ Жол» демократиялық партиясының мүшелері - 2.
«Үкіметтік емес ұйымдардың өкілдері небәрі 3 пайызды (6 адам) құрады, оның өзі Ресей сайлауында ғана», - деп нақтылады Берік Имашев.