14:13, 29 Мамыр 2015

Бетпақдала арқылы салынған 1200 шақырымдық темір жол Қытай жағалауын Каспий теңізімен жалғайды - Елбасы

АСТАНА. ҚазАқпарат - Қазақстан аумағымен Бетпақдала арқылы салынған 1200 шақырымдық темір жол Қытай жағалауын Каспий теңізімен жалғайды. Бұл туралы Мемлекет басшысы Нұрсұлтан Назарбаев Ақмола облысына қарасты Бурабай кентінде ТМД-ға қатысушы мемлекеттер делегациялары басшыларымен кездесуде айтты.

Сонымен қатар Мемлекет басшысы 2020 жылға қарай Қазақстан, Ресей арқылы Еуропаға 200 пойыз өтетінін атап өтті.

«Біз қытайлық серіктестермен келісімге келіп, Тынық мұхитына шығатын Сары теңіздегі Ляньюньган айлағында үлкен терминал салдық. Ағымдағы жылдың өзінде контейнерлік жиырма пойыз өткіздік. 2020 жылға қарай Қазақстан, Ресей арқылы Еуропаға 200 пойыз өтетін болады», - деді ҚР Президенті.

Аймақ Ақмола облысы Инфрақұрылымдық жобалар ТМД Ықпалдастық Экономика Қазақстан Президенті Қазақстанның сыртқы саясаты Қазақстанның халықаралық қызметі. Сыртқы саясат

без автора