АСТАНА. ҚазАқпарат - Қазақстандық, әлемнің 256-ракеткасы Пальмес дель Мар (Пуэрто-Рико) челленджер турнирінің жартылай финалына шықты, деп хабарлайды ҚазАқпарат тілшісі.
Қазақстандық теннисші ширек финалда дүниежүзілік рейтингте 617-орында тұрған канадалық Лиам Драксльмен шеберлік байқасты.
Бірінші партияда Бейбіт қарсыласының брейк жасауына мүмкіндік берген жоқ. Есесіне есеп 5:4 болған мезетте брейк жасай білді - 6:4.
Екінші сетте қазақстандық спортшы 5:2 есебімен алға кетті. Ақыры матчты жеңіспен түйіндеді - 6:3.
Бір сағат 45 минутқа созылған кездесуде Бейбіт Жұқаев 6 эйс жасап, 7 брейк-пойнттың екеуін пайдалана білді. Лиам Драксль 4 эйспен ғана шектелді.
Бейбіттің жартылай финалдағы қарсыласы кейін анықталады.
Еске сала кетейік, Андрей Голубевтің Италиядағы жарыстың жартылай финалына шыққанын жазған болатынбыз.
Сондай-ақ Анна Данилина Ноттингем турнирінің жартылай финалына жолдама алды.
Александр Недовесов Нидерландтағы турнирдің финалына шықты.
Фото - Қазақстан теннис федерациясынан
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).