Қазақстандық, әлемнің 188-ракеткасы Бейбіт Жұқаев Аустралия ашық чемпионатының іріктеу сайысын жеңіспен бастады, деп хабарлайды Kazinform.
Бейбіт іріктеу сайыстарының ширек финалында дүниежүзілік рейтингіде 511-орында тұрған аустралиялық Николас Кикермен кездесті.
Бірінші партияда қазақстандық теннисші бет қаратқан жоқ – 6:1.
Екінші сетте есеп 2:2 болған мезетте брейк жасап, өз геймін алды – 4:2. Ақыры сол бағытынан айныған жоқ – 6:4.
Бір сағат 18 минутқа созылған бәсекеде Б.Жұқаев 10 эйс жасап, 4 брейк-пойнттың үшеуін құр жіберген жоқ.
Бейбіт Жұқаев іріктеу турнирінің жартылай финалында әлемнің 99-ракеткасы, франциялық Хьюго Гастонмен шеберлік байқасады.
Еске сала кетейік, бұдан бұрын Александр Бубликтің жаңа жылдағы бірінші жеңісіне қол жеткізгенін жазған болатынбыз.
Сондай-ақ қазақстандық теннисші Аргентинадағы жарыстың екінші айналымына шықты.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).