АСТАНА. KAZINFORM – Қазақстандық теннисші, әлемнің 206-ракеткасы Бейбіт Жұқаев Канкун (Мексика) челленджер турнирі іріктеу сайысының финалына шықты.
Іріктеу сайысының 2-ракеткасы болып тіркелген Б.Жұқаев бастапқы кездесуін бразилиялық Рафаэл Матоспен өткізді.
Бейбіт бұл матчта фаворит екенін дәлелдеп, 6:2, 6:2 есебімен жеңіске жетті. Небәрі 52 минутқа созылған бәсекеде Жұқаев 11 эйс жасап, 5 брейк-пойнттың төртеуін пайдаланды.
Енді отандасымыз іріктеу жарысының финалында рейтингіде 360-орындағы испаниялық Пабло Льямас Руиспен ойнайды. Оны жолдан тайдырса, негізгі додаға жолдама алады.
Еске сала кетейік, бұдан бұрын Жапониядағы Ролан Гарростың іріктеу турниріне елімізден үш жас теннисші жолдама алғанын жазған едік.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).