БЕЙЖІҢ. ҚазАқпарат – Бейжіңдегі қысқы Олимпиада ойындарында әйелдер арасында конькимен 1 500 метр дистанцияға жүгіруден жарыстар өтуде, деп хабарлайды ҚазАқпарат тілшісі.
Аталған қашықтықты қазақстандық конькиші Надежда Морозова 1:56:85 уақытта жүгіріп өтті. Алайда, бұл көрсеткіш оны жүлдегерлер қатарынан көруге аздық етті.
1 500 метр қашықтықта ел намысын Морозовадан бөлек, Екатерина Айдова да қорғаған болатын. Өкінішке қарай екеуі де жүлделі орындардан тыс қалды.
Естеріңізге сала кетейік, осыған дейін Морозова әйелдер арасында 3000 М қашықтықты 4:04.97 уақытта жүгіріп өткен еді. Нәтижесінде отандасымыз жарысқа шыққан 30 спортшы арасынан 13-ші орыннан көрінді.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.