НҰР-СҰЛТАН. ҚазАқпарат - Қытайдың Бейжің қаласында өтіп жатқан қысқы Олимпиада ойындарында шайбалы хоккейден әйелдер арасында финалға шыққан құрамалар анықталды, деп хабарлайды ҚазАқпарат тілшісі.
Жартылай финалда Канада Швейцарияны 10:3, АҚШ Финляндия 4:1 есебімен жеңді..
Енді 16 ақпанда 3-орын үшін Финляндия мен Швейцария бәсекеге түссе, 17 ақпанда финалда Канада мен АҚШ қыздары мұзайдынға шығады.
Ал ерлер арасында бүгін, 15 ақпанда плей-офф сатысында Словакия мен Германия, Дания мен Латвия, Чехия мен Швейцария, Канада мен Қытай құрамалары тартысқа түседі.
16 ақпанда ширек финал сатысында АҚШ құрамасы Словакия/Германия, Финляндия Чехия/Швейцария, Ресей Дания/Латвия, Швеция Канада/Қытай жұптарының жеңімпазымен кездеседі.
Жартылай финал 18 ақпан белгіленген. Ал 3-орын үшін сайыс 19 ақпанда өткізілсе, 20 ақпанда финал болады.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.