Бұл туралы ҚазАқпаратқа берген сұхбатында учаскелік сайлау комиссиясының төрағасы Манарбек Қабазиев хабарлады.
«Қытайда жүрген қазақстандықтар үшін конституциялық құқығын іске асыру үшін барлық жағдайлар жасалған. Біздің учаскеміздегі сайлаушылардың 80 пайыздан астамы - бұл Бейжің және бұған жақын орналасқан қалаларда білім алып жүрген студенттер. Өздеріңіз де көріп тұрғандай, учаске барлық техникалық талаптарға сәйкес жабдықталған. Түске дейін 500-ден астам адам, ал 17:00-дегі жағдай бойынша 1598 сайлаушы дауыс берді», - деді ол.
Көптеген сайлаушылар, бірінші кезекте студент бойжеткендер бір-бірін дауыс беру жәшігі мен Қазақстанның мемлекеттік рәміздері - Ту мен Елтаңбаның қасында суретке түсірді. №207 учаскеде дауыс берген үш қазақстандық азамат бүгін кәмелеттік жасқа толып, естелік кәдесыйларын алды.