Бейжіңде бірінші ұлттық ғылымды танымал ету айлығы басталды

АСТАНА. KAZINFORM — Қытай астанасында бірінші ұлттық ғылымды танымал ету айлығы басталды. Ол жыл сайын қыркүйек айында өткізілетін болады. Бастама сапалы ғылыми білімге деген өсіп келе жатқан қоғамдық сұранысты қанағаттандыруға бағытталған, деп хабарлайды China Daily. 

Айлық «Ғылым өмірді өзгертеді, инновация болашаққа кепілдік береді» ұранымен өтіп жатыр. Ол қоғамда ғылымның құндылығы туралы тұрақты түсінікті қалыптастыруға бағытталған 100-ден астам тақырыптық көрме мен арнайы іс-шараны қамтиды.

Бастаманың басталуына арналған негізгі шара Бейжің ғылым және технология мұражайында және Ұлттық ғылыми коммуникация орталығында өтті. Келушілер тақырыптық экспонаттармен танысып, интерактивті сабақтарға қатысып, ғалымдармен және еріктілермен тілдесе алды.

ҚХР-ның ғылым мен техниканы танымал ету туралы жаңартылған заңына сәйкес, әр қыркүйек айы ресми түрде ғылымды танымал ету айы болып жарияланады. Құжатта барлық азаматтардың тиісті шараларға қатысу құқығы бекітілген.

Бұған дейін Қазақстан мен Қытай Қытайда ғылым мен технологияның бірлескен мектебін ашты деп жазған болатынбыз.