АСТАНА. ҚазАқпарат - Румынияның Чейле Градистей мекенінде жасөспірімдер арасында өтіп жатқан әлем чемпионатында қазақстандық Арина Пантова пасьюттен топ жарды.
Арина 7,5 шақырымға ізге түсіп жарысудан нысана көздеуде бір ғана рет мүлт кетіп, мәреге бірінші келді. Украиналық Анна Кривонос күміс, германиялық Марина Саутер қола жүлдені иеленді.
Сөйтіп он алты жасар қазақстандық биатлоншы өміріндегі маңызды жеңісіне қол жеткізді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).