Жарыс нәтижесі бойынша жерлесіміз Владислав Киреев мәреге 100 қатысушының арасынан 47-ші болып жетті.
Ол алғашқы 2 ату аймағында барлық нысанаға дәл көздесе, үшінші айналымда 2 оғы, соңғы айналымда 1 оғы қиыс кетті.
Осылайша, жарыс жеңімпазы Йоханнес Бёге 7:24.9 уақытқа есе жіберді.
Айта кету керек, былтырғы әлем чемпионаты нәтижесіне қарағанда Владислав Киреев осы маусымда жақсы көрсеткіш көрсетіп отыр. Енді ол алдағы эстафетада сынға түседі.
Ал кеше әйелдер арасындағы 15 км жеке жарыста 4 ату кезеңінде де барлық нысанаға дәл тигізіп, Галина Вишневская-Шепоренко үздік 25 спортшының қатарына енді.
Байрақты бәсекеде Қазақстан ұлттық құрамасы сапында Галина Вишневская-Шепоренко, Полина Егорова, Алина Скрипкина, Ольга Полторанина, Никита Акимов, Кирилл Бауэр, Владислав Киреев, Асет Дюсенов и Александр Мухин өнер көрсетіп жатыр.