АСТАНА. ҚазАқпарат - Шахматтан ФИДЕ (WGP) әйелдер арасындағы Гран-при жарысының бірінші кезеңі жетінші турында қазақстандық Бибісара Асаубаева мен Жансая Әбдімәлік кезекті ойынын өткізді, деп хабарлайды ҚазАқпарат тілшісі.
Аталған турда Бибісара Асаубаева ресейлік Полина Шуваловамен т ең түссе, сол елден келген Александр Костенюкке есе жіберді.
Қазір Бибісараның еншісінде 1 жеңіс, 5 тең ойын, 1 жеңіліс бар. Турнир кестесінде жетінші орында тұр. Сегізінші орында келе жатқан Жансая 1 мәрте жеңіске жетсе, 4-еуін тең, 2-еуін жеңіліспен аяқтады.
Сегізінші турда Б.Асаубаева қытайлық Тань Чжунъи, Ж.Әбдімәлік үндістандық Рамешбабу Вайшалимен шеберлік байқасады.
Айта кетсек, бұдан бұрын Астанада өткен аталған турнирдің алтыншы турында Б.Асаубаева алғаш рет жеңілсе, Ж.Әбдімәлік бірінші рет жеңіске жетті. Сол жолы Бибісара польшалық Алина Кашлинскаяға есе жіберсе, Жансая ресейлік Полина Шуваловадан айласын асырып кетті.
Ал бесінші турда Бибісара ресейлік Екатерина Лагномен т ең ойнаса, Жансая қытайлық Чжу Цзиньэрге жол беріп, турнирде алғаш рет жеңілді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.