Сонымен қатар Асқарбек Ертаев министрліктің ақпараттық жүйелерінен алынған деректер бойынша бүгінгі күні ресми түрде 5 мың 300 оқушы жұмыспен қамтылғанын айтты.
— Жасөспірімдердің басым бөлігі — сауда, ойын-сауық және демалыс қызметтері, сондай-ақ қоғамдық тамақтану салаларында жұмыс істейді. Бұл — олардың алғашқы еңбек тәжірибесін меңгеретін бағыттар. Мамандықтар бойынша — көгалдандыру жұмысшылары, курьерлер, даяшылар, сатушы-консультанттар, аспаз көмекшілері, аниматорлар болып еңбек етеді, — деді ол.
Сондай-ақ Асқарбек Ертаев 14 жастан бастап 18 жасқа дейінгі балалардың ең көп саны оңтүстік аймақтарда — Түркістан (236,6 мың), Алматы (143,5 мың), Жамбыл (120 мың) облыстарында және Алматы (161,8 мың), Астана (107 мың), Шымкент (112 мың) қалаларында тіркелгенін атап өтті.
— Оқушылар арасындағы ең жоғары жұмыспен қамтылу мегаполистерде байқалады. Ол республика бойынша жұмыс жасайтын балалардың 59%-ын құрайды. Себебі ірі сауда, ойын-сауық орталықтарының дені мегополистерде орналасқан, — деп толықтырды спикер.
Бұған дейін 14 жастан бастап жұмыс істеу үшін нені білу керек екенін жазғанбыз.