АСТАНА. KAZINFORM – Қазір аталған чатты қазақ тілінде қолжетімді ету бағытында жұмыстар жүріп жатыр. Бұл туралы Цифрлық даму, инновациялар және аэроғарыш өнеркәсібі министрі Жаслан Мәдиев мәлім етті.
Фото: Цифрлық даму, инновациялар және аэроғарыш өнеркәсібі министрлігі
«Әрине, ол өте маңызды жоба. Біз QazLLM деген жобаны іске асырып жатырмыз, ол қазақ тіліндегі үлкен тілдік модель. Қазіргі таңда Назарбаев Университетімен осы бағытта жұмыс істеп жатырмыз. Токендерді жинап жатырмыз, қазіргі уақытта 6 млрд-қа жуық токен жиналды. Біздің мақсат, жыл соңына дейін 100 млрд токен жинау. Биыл желтоқсанда бірінші нұсқасы шығады деп отырмыз», - деді Жаслан Мәдиев ведомствода өткен баспасөз мәслихатында.
Фото: Цифрлық даму, инновациялар және аэроғарыш өнеркәсібі министрлігі
Еске сала кетейік, биыл ақпанда Қазақстанда ChatGPT чатының баламасы жасалатыны туралы хабарлаған едік.
Ы.Алтынсарин атындағы Арқалық мемлекеттік педагогикалық институтының түлегі. Бұған дейін "Қазконтент" АҚ e-history порталында тілші, "Елорда инфо" ақпарат порталында тілші болған. 2018 жылдан бері Kazinform халықаралық ақпарат агенттігінің тілшісі.