АСТАНА. KAZINFORM - Биыл футболдан бірінші лигаға барлығы 16 команда қатысады.
Бірінші лига ойындары 4-5 сәуір күндері басталады.
Оған «Оқжетпес» (Көкшетау), «Каспий» (Ақтау), «Ақжайык» (Орал), «Қыран» (Шымкент), «Қайрат-Жастар» (Алматы), «Хан тәңірі» (Алматы), «Арыс» (Түркістан облысы), «Түркістан», «Тараз», «Екібастұз» (Павлодар облысы), «Ақтөбе жастар» (Ақтөбе), «Ұлытау» (Жезқазған), SD Family (Астана), «Жетісай» (Түркістан облысы), «Алтай» (Өскемен) және «Кайсар-Жас» (Қызылорда) командалары қатысады.
Еске салсақ, бұдан бұрын футболдан Қазақстан кубогының 1/8 финалына шыққан командалар анықталды.
Енді «Оңтүстік академиясы» Петропавлдың «Қызылжар», «Тараз» Шымкенттің «Ордабасы», SD Family «Атырау» командасымен шеберлік байқасады.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.