ТАШКЕНТ. KAZINFORM – Биыл Өзбекстан 10 жаңа халықаралық автобус маршрутын ашуды жоспарлап отыр, деп хабарлайды Kazinform агенттігінің Ташкенттегі меншікті тілшісі Әлихан Асқар.
Өзбекстанның Көлік министрлігінен мәлім еткендей, мына бағыттар бойынша автобус қатынасын жолға қою жоспарланған:
• Бұхара - Астана;
• Самарқанд - Түркістан;
• Бұхара - Түркістан;
• Шахрисабз - Түркістан;
• Самарқанд - Бішкек;
• Бұхара - Бішкек;
• Самарқанд - Душанбе;
• Бұхара - Душанбе;
• Ташкент - Уфа;
• Ташкент - Краснодар.
Айта кетейік, бүгінгі таңда Өзбекстаннан Қазақстан, Ресей, Қырғызстан және Тәжікстанға 37 бағыт бойынша 196 автобус қатынайды.
Әлихан Асқар
2018 жылы А. Байтұрсынов атындағы Қостанай мемлекеттік университетін журналистика мамандығы бойынша тәмамдаған. Әр жылдары облыстық Qostanai, республикалық Astana TV, «Жетінші арна» телеарналарындағы бағдарлама және жаңалықтар бөлімінде қызмет етті. «ҚР Президенті телерадиокешенінде» 2022 жылдың мамырынан бастап еңбек етеді. 2023 жылдан бері Kazinform агенттігінің Өзбекстандағы меншікті тілшісі.